Qeveria ka marrë vendimin për hapjen e Misionit të Përhershëm i Shqipërisë në Bashkimin Europian.
Vendimi për hapjen e Misionit të Përhershëm të vendit tonë në BE u mor gjatë mbledhjes së Këshillit të Ministrave.
Shpenzimet për hapjen e këtij misioni do të përballohen nga buxheti i miratuar për Ministrinë për Evropën dhe Punët e Jashtme për vitin 2025.
Për zbatimin e këtij vendimi po ashtu ngarkohet Ministria për Evropën dhe Punët e Jashtme.
Vendimi i qeverisë:
HAPJEN E MISIONIT TË PËRHERSHËM TË REPUBLIKËS SË SHQIPËRISË PRANË BASHKIMIT EVROPIAN
Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave
V E N D O S I:
- Hapjen e Misionit të Përhershëm të Republikës së Shqipërisë pranë Bashkimit Evropian.
- Shpenzimet për hapjen e këtij misioni përballohen nga buxheti i miratuar për Ministrinë për Evropën dhe Punët e Jashtme, për vitin 2025.
- Ngarkohet Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
© Panorama.al
