Gjykata Kushtetuese mori sot vendimin lidhur me çështjen e Erion Veliajt, duke rrëzuar dekretin e Presidentit Begaj për zgjedhjet në Tiranë dhe Qeverinë për shkarkimin e Erion Veliajt si kryetar i Bashkisë Tiranë.
Gazetarja Klodiana Lala raporton se në vendim thuhet që Neni 115 i Kushtetutës qendron më lart se ligji për veteqevrisjen vendore dhe se kryetari i bashkisë mund të shkarkohet vetëm për shkelje te rënda.
Në vendim tuhet gjithashtu se Këshilli Bashkiak shkeli ligjin me vendimin për shkarkimin e Velijat nga posti i kryebashkiakut.
Sipas gazetares Klodiana Lala bëhet me dije, se vendimmarrja e trupës gjykuese ka qenë me shumicë votash 5 me 3, në favor të rrëzimit të vendimit të Qeverisë, e cila kishte miratuar shkarkimin e kryebashkiakut pas propozimit të bërë nga Këshilli Bashkiak i Tiranës.
Me këtë vendim, Gjykata Kushtetuese ka anuluar gjithashtu edhe dekretin e Presidentit Bajram Begaj, që kishte caktuar datën e zgjedhjeve të reja në Tiranë më 9 nëntor.
Praktikisht, edhe pse ndodhet në paraburgimin e Durrësit për shkak të hetimeve të SPAK, Veliaj rikthehet në detyrë si kryetar i Bashkisë Tiranë.
© Panorama.al
