LIBI- Qeveria e Libisë anuloi vendimin për varrimin e shpejtë të Gadafit si rezultat i pasigurisë në vend por edhe kontradiktave për rrethanat e vrasjes së tij.
Ministri i naftës, Ali Tarhouni tha se trupi i ish-udhëheqësit mund të mbahet “për disa ditë”. Sipas traditës islame, varrimi duhet të bëhet sa më shpejt të jetë e mundur, tha ai.
OKB-ja, ndërkaq është duke kërkuar një hetim për vdekjen e Kolonel Gedafit në Sirte të enjten.
Ndërkohë NATO pritet të deklarojë fundin e bombardimeve të saj në Libi në orët e ardhshme.
Presidenti francez Nikolas Sarkozi tha se vdekja e Kolonel Gadafit do të thotë se ndërhyrja ushtarake e NATO-s e arriti qëllimin e saj.
“Është e qartë se operacionit po I vjen fundi”- u tha ai gazetarëve.
© Panorama.al
