Prizreni, i njohur shpesh si kryeqyteti shpirtëror i shqiptarëve, është zgjuar sot në një atmosferë krejtësisht festive.
Në lokalet e qytetit, kafeja po shërbehet me një simbolikë të veçantë, pasi kamerierët mbajnë në kokë plisin e bardhë të zbukuruar me shqiponjën dykrenare.
Ky detaj festiv po i uron qytetarëve dhe vizitorëve 113-vjetorin e Pavarësisë së kombit shqiptar, ashtu siç e festojnë shqiptarët në të gjitha trojet.
Për shumë prej qytetarëve, plisi i bardhë i kamerierëve është bërë sot një përshëndetje për Ditën e Flamurit, ditën e lirisë, identitetit dhe unitetit kombëtar.
