Dy avionë ushtarakë rusë kanë shkelur të enjten pasdite hapësirën ajrore të Lituanisë, përpara se të largoheshin pas vetëm 18 sekondash, njoftuan autoritetet lituaneze.
Presidenti i vendit, Gitanas Nausėda, e cilësoi incidentin si shkelje flagrante të së drejtës ndërkombëtare dhe të integritetit territorial të Lituanisë.
“Ky është edhe një shembull që konfirmon rëndësinë e forcimit të gatishmërisë së mbrojtjes ajrore evropiane”, theksoi ai në një deklaratë publike.
Nausėda bëri të ditur se Ministria e Jashtme e Lituanisë do të thërrasë përfaqësues të ambasadës ruse në Vilnius për të dorëzuar një notë proteste, duke dënuar “sjelljen e pamatur dhe të rrezikshme” të palës ruse.
Sipas burimeve të sigurisë, avionë luftarakë të NATO-s që patrullojnë nga Polonia u ngritën menjëherë për të reaguar ndaj kërcënimit dhe për të siguruar hapësirën ajrore të aleancës në rajon.
© Panorama.alThis evening, Russian military planes violated Lithuanian air space. This is a blatant breach of international law and territorial integrity of Lithuania. Once again, it confirms the importance of strengthening European air defence readiness.@LithuaniaMFA will summon Russian… pic.twitter.com/0GS6OrKaRx
— Gitanas Nausėda (@GitanasNauseda) October 23, 2025
