Përfaqësuesja e Lartë e Bashkimit Europian për Punët e Jashtme dhe Politikën e Sigurisë dhe Zëvendëspresidentja e Komisionit Europian, Kaja Kallas, ka njoftuar emërimin e 33 ambasadorëve të rinj të BE-së dhe 7 zëvendëskryetarëve të delegacioneve në mbarë botën.
Për Shqipërinë, është propozuar si ambasadore e re e BE-së Sofia Moreira de Sousa, e cila aktualisht mban postin e drejtuese së Përfaqësisë së Komisionit Europian në Portugali. Moreira de Sousa pritet të pasojë Silvio Gonzaton.
Emërimi i saj do të finalizohet pasi të merret miratimi zyrtar nga vendi pritës, si dhe të përmbyllen procedurat administrative të rotacionit diplomatik të BE-së për vitin 2026.
Moreira de Sousa ka një karrierë të gjatë brenda institucioneve europiane dhe më herët ka shërbyer edhe si ambasadore e BE-së në Cabo Verde.
Disa nga emërimet kryesore të ambasadorëve të BE-së:
Afganistan – Nicola Bellomo
Shqipëria – Sofia Moreira de Sousa (aktualisht drejtuese e përfaqësisë së Komisionit Europian në Portugali)
ASEAN – Marina Rafti
Australia – Lawrence Meredith
Botswana dhe SADC – Belén Calvo Uyarra
Brazili – Francisco André
Burundi – Alessandro Villa
Kameruni – Veronika Bošković Pohar
Kina – Caspar Veldkamp (ish-Ministër i Jashtëm i Holandës)
Këshilli i Europës – Alexandre Stutzmann
Republika Demokratike e Kongos – Douglas Carpenter
India – Jean-Eric Paquet
Indonezia – Hervé Delphin
Japonia – Pier Giorgio Federico Aliberti
Kenia – Andreas Peschke
Libia – Alexis Konstantopoulos
Meksika – Belén Martínez Carbonell
Mozambiku – Francisco Fontan Pardo
Nepali – Charles Whiteley
Zelanda e Re – Lucie Samcová
Nikaragua – Charles-Michel Geurts
Norvegjia – Peter Van Kemseke
Panamaja – Andrea Matteo Fontana
Katari – Antonino Maggiore
Rusia – Malena Mård
Ruanda – Jérémie Blin
Senegali – Aude Maio-Coliche
Afrika e Jugut – Kristian Schmidt
Sri Lanka – Sylvia Hartleif
Tanzania – Jean-Marc Pisani
Turkmenistani – Luc Devigne
Mbretëria e Bashkuar – Jukka Salovaara
Për Bregun Perëndimor, Gazën dhe UNRWA, është emëruar Andreas Fiedler si përfaqësues i BE-së.
Gjithashtu janë emëruar edhe zëvendëskryetarë delegacionesh në disa vende, përfshirë Barbadosin, Côte d’Ivoire, Kosovën, Senegalin, Serbinë, Tajlandën dhe organizata ndërkombëtare si OKB/IAEA/OSBE.
Emërime të reja në drejtimin e EEAS
Dominic Porter është emëruar Zëvendësdrejtor për Azinë dhe Paqësorin. Ai ka mbajtur më parë poste drejtuese për Kinën dhe çështjet ekonomike globale në EEAS.
Francesca Di Mauro është emëruar Zëvendësdrejtore për Afrikën. Aktualisht ambasadore e BE-së në Somali, ajo ka shërbyer edhe në Bregun e Fildishtë.
© Panorama.al
