Drejtuesi politik i PD-së në qarkun e Fierit, Gazment Bardhi zhvilloi disa takime me naftëtarët, i shoqëruar edhe nga kandidati i ASHM, Ledion Çala. Bardhi shkruan në rrjetet sociale teksa ka postuar disa foto nga takimi se naftëtarët do jenë nën vëmendjen e PD-së nesër në pushtet, pas 11 majit.
Bardhi shprehu angazhimin e tij për rishikimin e statusit të naftëtarëve dhe uljen e tatimit mbi të ardhurat nga 23% në 10%, duke premtuar se do ta realizojnë këtë menjëherë.
Ai theksoi se çdo vendim që prek jetën e naftëtarëve do të merret në konsultim me ta dhe se do të sigurohet një status i rishikuar me pension të lartë për këtë profesion.
Po ashtu, ai garantoi kushte të sigurta dhe optimale pune, duke mbrojtur të drejtat e naftëtarëve dhe duke e konsideruar shëndetin dhe mirëqenien e tyre si prioritet.
Bardhi përfundoi postimin duke shprehur angazhimin për të mbajtur premtimet dhe për të sjellë zhvillim në sektorin e naftës, duke kërkuar mbështetje për PD.
Postimi i Bardhit në rrjete sociale:
Besimi i naftëtarëve, privilegj dhe detyrim!
Kandidati ynë Ledion Çala kishte organizuar një takim me kolegët e tij që punojnë në sektorin e naftës, ku me shumë kënaqësi u bashkuam për të dëgjuar me vëmendje shqetësimet e tyre. S’duhet të punosh një ditë si naftëtar dhe të kuptosh sa e rëndë është puna e tyre dhe sa pak të shpërblyer janë! Ndava me naftëtarët shqetësimin për të rishikuar statusin e naftëtarit apo shtimin e të ardhurave të tyre përmes uljes së tatimit mbi të ardhurat nga 23 % në 10 %. Dhe ne do ta bëjmë këtë menjëherë! Çdo vendim që prek jetën e naftëtarëve do të merret vetëm në konsultim direkt me ta.
Statusi i rishikuar dhe zbatimi i plotë i tij, pa zvarritje nga agjencitë qeveritare, do të njohë vështirësinë në punë dhe do të përcaktojë pension të lartë për profesionin e naftëtarit. Nuk do të tolerohet asnjë devijim nga kompania shtetërore apo private për kushte optimale të punës. Shëndeti dhe mirëqenia e naftëtarëve janë prioritet për PD dhe, jam i nderuar, të mbroj të drejtat e tyre!
Nuk ka asgjë më të rëndësishme për mua se fjala e dhënë dhe mbajtja e premtimeve që prekin jetën e njerëzve! Me besimin e naftëtarëve, PD ka një privilegj dhe detyrim akoma më të madh për të ndryshuar gjendjen dhe për të sjellë zhvillim! Voto nr. 1️
© Panorama.al
