Federata Shqiptare e Futbollit ka shpërndarë dje një njoftim për mediat ku thuhej se në mbledhjen e sotme të Komisioni të Federatave të FIFA-s në Zyrih do të diskutohet edhe për Kosovën. Më konkretisht, do të diskutohet mbi kërkesën e Kosovës për t’u lejuar që të zhvillojë ndeshje miqësore ndërkombëtare. Sipas njoftimit të Federatës sonë, diskutimi për Kosovën është shtuar si pikë në axhendën në mbledhjen e sotme pas kërkesës së presidentit të FSHF-së, Armand Duka, që është edhe anëtar i këtij Komisioni. Në fakt, këtu ka një pasaktësi, sepse FIFA e ka miratuar diskutimin e çështjes së Kosovës pas kërkesës me shkrim të bërë më 2 shtator nga FFK-ja (Federata e Futbollit të Kosovës) dhe jo nga Armand Duka, ashtu sikur thuhej dje në njoftimin zyrtar. Gazeta “Panorama Sport” ka mundur të sigurojë një kopje të letrës që FIFA i ka dërguar më 23 shtator Federatës së Kosovës ku i ka konfirmuar se më 19 tetor do të diskutohet për kërkesën për ndeshje miqësore.
Opinion
Uashingtoni braktis Edi Ramën
GENC BURIMI
Patronazhimi politik, kapja orwelliane e shtetit
EDMOND PANARITI
Dy pyetje të vështira nga protestuesit e rinj
ARBEN MALAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama