Deputetja e PD-së, Albana Vokshi ka denoncuar para Komisionit të Venecias bllokimin e News24, teksa deklaroi se 200 gazetarë nuk u lejuan të hynin në redaksi.
Vokshi theksoi se u mbyll një nga mediat më të mëdha në vend “Focus Media Grup”, ndërsa theksoi se dosjet e gazetarëve që rrezikojnë jetën e tyre, si edhe burimet nuk u lejuan të merren.
“90 për qind e mediave kontrollohen dhe gazetarët kërcënohen e intimidohen. Para një muaji kishim edhe mbylljen e medias së tretë më të madhe në vend, “Focus Media Grup”.
200 gazetarë nuk u lanë të hyjnë në zyrat e tyre. Dosjet që rrezikojnë jetën e tyre dhe të burimeve nuk u lanë të merren edhe pse për këtë ka një vendim gjykate”, tha ajo.
Deputetja demokrate foli edhe për situatën politike, teksa u shpreh opozita në vend është përballur me presione, intimidime dhe arrestime, sipas saj, politike.
“Kemi pasur presione e represione, arrestime politike. Ishte një vit zgjedhor të gjithë liderët e opozitës u arrestuan apo persekutuarm. Drejtësia e re u keqpërdor si mjet për persekutimin e opozitës”, tha u shpreh Vokshi.
© Panorama.al
