Presidenti i Ukrainës, Volodymyr Zelensky, ka vizituar fshatin ukrainas Yahidne ku pothuajse 400 banorë u mbajtën në një bodrum shkolle nën pushtimin rus për 27 ditë.
Sipas mediave të huaja, Zelensky mbajti një fjalim gjatë të cilit kujtoi sesi banorët mbaheshin robër në një hapësirë më pak se 200 metra katrorë.
“Ndodhi gjatë muajit të parë të pushtimit rus, i cili filloi më 24 shkurt 2022. 11 njerëz vdiqën”, tha Zelensky.
“Të tjerët jetuan dhe pritën çlirimin e Ukrainës në errësirë,” shtoi ai, duke u shfaqur dukshëm i prekur në përvjetorin e çlirimit të tyre.
“Duke parë të gjitha këto, unë i uroj presidentit të Rusisë që të kalojë pjesën tjetër të ditëve të tij në një bodrum”.
Zelenskyt iu bashkua për vizitën në rajonin e Chernihiv, zëvendëskancelari gjerman Robert Habeck dhe sekretarja e përgjithshme e Këshillit të Evropës, Marija Pejcinovic Buric.
NDIQE LIVE "PANORAMA TV" © Panorama.al