Vatra të shumta zjarri janë riaktivizuar sërish pasditen e sotme në pyllin e Pishporos dhe Darëzezës në Fier.
Sipas burimeve, bëhet me dije se pas ndërhyrjes nga ajri të dy avionëve Canadair ku flakët u shuan, vatrat janë riaktivizuar sërish të favorizuara edhe nga era e fortë.
Po ashtu mësohet se aktualisht vatra më masive ndodhet në zonën e Pishës së Butë.
Autoritetet po kërkojnë përforcime nga qarqe të tjera, ndërkohë që në terren për shuarjen e flakëve ndodhen 11 mjete zjarrfikëse.
Ndërkohë sipërfaqja e djegur nga zjarri gjatë këtyre ditëve sipas përllogaritjeve paraprake arrin në 800 hektarë.
Ministrat Taulant Balla dhe Niko Peleshi i kanë konsideruar këtë zjarr si një nga situatat më të vështira që ka kaluar vendi ynë me flakët.
NDIQE LIVE "PANORAMA TV" © Panorama.al
