Të gjithë kemi provuar të dekorojmë pemën e Krishtlindjeve dhe emocioni që secili përjeton është i mrekullueshëm.
Por, a e kishit menduar se koha në të cilën e vini pemën mund të ketë një ndikim të madh në gjendjen tuaj emocionale?
Sipas “The Sun”, ekspertët kanë zbuluar se ata që e vënë pemën më shpejt se zakonisht, kanë më shumë mundësi që të jenë të lumtur dhe të relaksuar.
Steve McKeown, një psikanalist, u tha njerëzve të fillojnë ta dekorojnë sa më shpejt pemën e Krishtlindjeve.
“Në një botë plot stres dhe ankth, njerëzit duan të shoqërohen me njerëz dhe të bëjnë gjëra që i lumturojnë dhe pema është ajo që u ngjall ndjenja të forta që mund t’i kenë përjetuar vetëm gjatë fëmijërisë. Zbukurimet janë thjesht një spirancë ose shteg drejt atyre emocioneve magjike të fëmijërisë”, tha ai.
Sipas tij, kjo cilësohet si një periudhë ku njerëzit janë më të lidhur me të kaluarën dhe me të dashurit që mund të kenë humbur me kalimin e viteve.
Ambienti festiv është shenjë e një familjeje të lumtur, sepse i ndihmon ata të ndihen më të lidhur me njëri-tjetrin.
