Mbrëmjen e djeshme Olsi Bylyku ka festuar ditëlindjen e tij të 24. Festa që bëri bashkë VIP-at zgjati deri në orët e para të mëngjesit. Natyrisht që krah tij nuk kishte sesi të mungonte edhe partnerja e tij prej disa vitesh, Egli.
Dy të rinjtë u shfaqën më të dashuruar se kurrë, ku mes performancave, nuk i kursyen puthjet dhe përqafimet. Por ajo që ra në sy ishte barku i rrumbullakosur i Eglit, poshtë veshjes së saj. Në rrjet po qarkullon një video, ku partnerja e këngëtarit shfaqet duke interpretuar në skenë, por të gjithë vëmendjen e ka marrë barku, që duket pak më i madh me sa jemi mësuar ta shohim në fotot dhe videot e shumta që publikon në rrjetet sociale.
Ndërkohë të shumtë kanë qenë të ftuarit që e kanë uruar çiftin “Të trashëgoheni”. Duket se veç ditëlindjes, dyshja e ka çuar marrëdhënien e tyre një hap më tej, duke celebruar dashurinë në fejesë. Ndoshta planet prej tyre janë përshpejtuar edhe nga një shtatëzani e mundshme e partneres së aktorit. Gjithçka mbetet për t’u parë në ditët në vijim, ku me gjasa do të zbulojmë më shumë nga ky çift kaq simpatik.
NDIQE LIVE "PANORAMA TV" © Panoramaplus.al