Futbollisti i njohur me origjinë kosovare Granit Xhaka, e ka zhvilluar karrierën e tij në Zvicër, megjithatë në çdo rast ai ka treguar është shumë i lidhur me vendin e tij.
Kështu ka bërë edhe së fundmi, ku në një video të shpërndarë në “Instagram”, futbollisti Arsenalit ka treguar se dy vajzat e tij Ayana dhe Laneya po dëgjojnë këngë shqiptare.
Në video shihet vajza e tij më e madhe Ayana, nën tingujt e këngës “Kuq e Zi”, duke kënduar dhe kërcyer. Ndërsa vajza tjetër më e vogël, Laneya e shoqëron.
“Krenar”- shkruan futbollisti krahas videos.
Granit Xhaka ka treguar edhe herë të tjera se është shumë krenar për origjinën e tij, madje ka treguar se ka nisur t’ju mësojë shqip edhe dy vajzave të tij.
Kohë më parë ai shpërndau një video të vajzave të tyre me librin e Abetares.
NDIQE LIVE "PANORAMA TV" © Panoramaplus.al