Ish-bashkëshorti i Britney Spears , Jason Alexander , nuk mund të kontaktojë ose shqetësojë këngëtarin për të paktën 3 vitet e ardhshme.
Lajmin e ka konfirmuar avokati i këngëtares për TMZ, duke shprehur se një gjykatës ka lëshur një urdhër ndalimi kundër ish-bashkëshortit të Britney.
Alexander u deklarua i pafajshëm për akuzat që rrjedhin nga incidenti i javës së kaluar, ku ai filmoi veten duke u futur fshehurazi në vendin ku këngëtarja do të bënte dasmën.
Gjykatësi shtoi gjithashtu një akuzë për ndjekje penale në rastin e Alekxander dhe vendosi se ai duhet të paguajë 100,000 dollarë pë lirimin me kusht. Ai gjithashtu do të duhet të dorëzojë çdo armë zjarri që ka në posedim.
Alexander, është urdhëruar të qëndrojë të paktën 100 metra larg Spears dhe burrit të saj dhe banesës së tyre. Sipas një kopje të TRO-së të siguruar nga Page Six, ai ka “shkelur vazhdimisht” pronën e ikonës së popit.
Ai dyshohet se ishte i armatosur me thikë kur hyri në shtëpinë e Spears në ditën e saj të madhe, thuhet gjithashtu në raport. Alexander ishte live në Instagram kur hyri në rezidencë dhe u pa duke tejkaluar disa personel sigurie.
LEXO EDHE:
- “Jam këtu për të prishur dasmën”/ Pas incidentit, Britney Spears dhe Sam Asgari marrin urdhër mbrojtje ndaj ish-bashkëshortit të këngëtares
- E papritur në dasmën e Britney Spears! Ish-bashkëshorti ndërpret ceremoninë, ndërhyn policia
