Ashley Tisdale ka pranuar se nuk ndihet mirë me trupin e saj, pasi mirëpriti në jetë të bijën, disa muaj më parë.
Aktorja 35-vjeçare ndau eksperiencën në një postim në blogun e saj, “Frenshe”, në lidhje me ndryshimin e trupit pas lindjes, raporton “People”.
Në artikullin me titull “Getting Real About My Body After Baby”, Tisdale ka folur hapur për faktin se nuk ndihet e lumtur në lëkurën e saj.
“Ka kaq shumë modele dhe influencuese me të cilat e kam krahasuar udhëtimin tim personal,”– tha Tisdale, duke theksuar se Instagrami mund të jetë një shkak kryesor i këtyre krahasimeve jo të shëndetshme. “Dhe pastaj, mendoj: Prit, ato sapo lindën një fëmijë dhe duken kështu???”
Aktorja shtoi se ka punuar shumë për humbjen e peshës që kur lindi të bijën, Jupiter, në mars.
Aktorja tregon se megjithëse disa xhinse që ka pasur më parë i bëjnë, sërish nuk është në përmasat që kishte para shtatzënisë. Megjithatë, qëndrimi i saj ndryshoi kur po fliste me disa mikesha që janë bërë nëna dhe po krahasonin trupat e tyre me trupin e saj.
“Atëherë e kuptova që nuk mund t’i krahasojmë trupat tanë me njëri-tjetrin“, shkruan ajo. “Të gjithë do të kenë një udhëtim ndryshe dhe është e rëndësishme të mos komunikojmë ndjenja negative ndaj trupit tonë.”
Tisdale e përfundoi postimin duke i nxitur ndjekësit që të duan veten mbi të gjitha.
NDIQE LIVE "PANORAMA TV" © Panoramaplus.al