Linda Rei, ndërsa ka folur për jetën e saj dhe se me çfarë merre pas largimit nga Shqipëria, ka treguar edhe për koston e operacionit për ndryshimin e gjinisë.
E ftuar në emisionin “Late Night Show”, në RTV Ora, ajo tha se ka paguar shumë pak lekë sepse ndryshe nga Shqipëria në Itali dhe në shumë vende të botës dhe Europës këtë operacion ta siguron shteti.
“Shumë pak, në Itali të ndihmon shumë shteti. Kam marrë lekë edhe nga shteti. Ndoshta këtu mund të duket si diçka shumë e çuditshme, por si në Itali si nëpër botë nuk është ndonjë gjë e madhe të lindësh çun dhe një mëngjes çohesh dhe thua e di se çfarë do bëj unë sot, do bëj cicat, do bëj make up, jo. Është diçka që ti lind dhe shkenca dhe mjekësia ka arritur të kuptojë që është një gjendje lindore prandaj kudo nëpër botë është shumë normale. Të ndihmon shteti që ti të arrish qëllimin që do, si një femër që do të bëhet mashkull dhe një mashkull që di të bëhet një femër”, shprehet Linda Rei.
