S’ka shumë që Britney Spears dhe Sam Asghari kurorëzuan dashurinë e tyre mirëpo këngëtarja i ka marrë masat mirë për çfarëdolloj problemi që mund të haset mes çiftit në të ardhmen.
Bëhët fjalë për një kontratë paramartesore të cilët dyshja e kanë nënshkruar, ku tregon se partneri i këngëtares nuk do të marrë asnjë qindarkë nga pasuria maramendëse e Britney- t.
“Britney dhe Sam nënshkruan një paramartesë në favor të saj”, tha një burim për Page Six. “Çdo para që ajo ka fituar është e mbrojtur.”
Në atë kohë, Spears dhe Rosengart, një ish-prokuror federal, shprehën në dokumentet e gjykatës se ishin të shqetësuar se babai i saj, Jamie Spears, do të pengonte planin e tyre, pasi Jamie ishte ende ruajtësi i pasurisë shumëmilionëshe të Britney- t.
Pasi Britney, 40- vjeç, dhe Asghari, 28- vjeç, u fejuan në shtator 2021, shumë fansa pyesnin veten se çfarë do të ndodhte me paratë e saj nëse do të divorcoheshin ndonjëherë. Britney dhe Asghari u martuan të enjten e kaluar në oborrin e shtëpisë së saj në Thousand Oaks, Kaliforni.
Në dasmën e çiftit ishin të pranishëm yje si : Madonna, Selena Gomez, Paris Hilton dhe Drew Barrymore, të cilët festuan pranë tyre gjatë gjithë natës.
Prindërit e Britney, Jamie dhe Lynne Spears, dhe motra e saj më e vogël, Jamie Lynn Spears, nuk ishin të pranishëm gjatë dasmës . Djemtë e saj, Sean Preston, 16 vjeç dhe James Jayden, 15 vjeç, gjithashtu nuk morën pjesë.
NDIQE LIVE "PANORAMA TV" © Panoramaplus.al