14 Nëntor, 2017

Rreziku me ‘’Wi-Fi- të’’e lokaleve dhe restoranteve, këshilla si të mbroheni nga hakerat


Teknologjia duket sikur në njëfarë mënyre ka ‘’pushtuar’’ jetën tonë dhe pa të është e pamundur të perceptohet komunikimi, puna apo edhe jeta e përditshme e një njeriu të thjeshtë. Madje në mjediset tona shoqërore apo familjare është kur ulemi në një bar, restorant apo qoftë edhe kur shkojnë në shtëpinë e një miku gjithmonë e pyesim për  ‘’Wi-Fi-në’’. Wi-Fi është një shpikje mahnitëse, por kur interneti ofrohet falas është edhe më mirë.

Megjithatë lundrimi në internet të “pambrojtur” mund të shoqërohet me jo pak rreziqe ndaj lexoni më poshtë disa këshilla që duhet t’i keni parasysh kur lidheni me një Wi-Fi publike

  1. Në asnjë rast mos jepni të dhënat tuaja bankare
  1. Kushtojini vëmendje emrit të rrjetit dhe sigurohuni që është i njëjtë me kompaninë që e shpërndan.Hakerët shpesh përdorin rrjete që kanë një emër të ngjashëm me rrjetet në zonë për t’ju marrë të dhënat personale. Nëse po përdorni një lidhje publike, kontrolloni gjithmonë emrin e Wi-Fi-s për t’u siguruar që është pikërisht ai që duhet të jetë.
  1. Mos lundroni në internet pa pasur të instaluar në kompjuter një antivirus.
  1. Mos e ruani Wi-Fi në pajisjen tuaj (bëjini gjithmonë Forget network)
  1. Kontrolloni URL-në e internetit. Rrjetet e rreme mund t’ju çojnë në faqe interneti me viruse që mund të dëmtojnë laptopin apo celularin tuaj.
  1. Përdorni një lidhje të sigurt

NDIQE LIVE "PANORAMA TV"
© Panoramaplus.al