As Rozana Radi nuk mundi t’i shpëtonte infektimit më Covid-19.
Këtë e ka treguar vetë, nëpërmjet një postimi në rrjete sociale, ku zbuloi se i është nënshtruar dy testeve.
Por, në të parin ka rezultuar negative, ndërsa në të dytin pozitive.
Ndër të tjera, Rozana shkruante se aktualisht është në gjendje të qëndrueshme shëndetësore dhe shpreson që gjithçka të shkojë mirë deri në fund.
“Pas një rezultati negativ, ripërsërita tamponin dhe… pozitiv. Jam karantinuar dhe po marr mjekimin e nevojshëm duke u konsultuar me mjekun e familjes. Për momentin, jam në gjendje të qëndrueshme. Shpresojmë të shkojë gjithçka mirë!”- shkroi ajo në një postim në Instagram.
Vetëm pak ditë më parë, edhe kolegia e saj në emisionin “Boom”, Fiori Dardha, rezultoi po ashtu pozitive.
NDIQE LIVE "PANORAMA TV" © Panoramaplus.al