Rita Ora rikthehet në Tiranë, ne rikthehemi te momentet më të bujshme të karrierës dhe jetës së saj personale

Ajo ka bërë kaq shumë!

Rita Ora, këngëtarja pas ‘How We Do (Party)’, ‘Anywhere’ dhe ‘For You’ ka bërë emër për sa i përket muzikës, modës dhe madje edhe aktrimit. Ajo është shfaqur në të tre filmat ‘Fifty Shades’, dhe tani është duke punuar në një rol të ardhshëm dhe film aksion të ‘Disney’ të quajtur ‘Tin Soldier’.

Këtu do t’i hedhim një vështrim pikave kryesore të karrierës së Rita Orës nga kënga e saj me DJ Fresh, ‘Hot Right Now’, deri te nominimet e saj për çmimin BRIT dhe romancave me figura të njohura.

Shikoni momentet kryesore të karrierës së Rita Orës:

JETA PROFESIONALE

JETA PERSONALE

Më poshtë është e përmbledhur një kronologji e të gjitha lidhjeve romantike që këngëtarja shqiptare ka pasur ndër vite.

BRUNO MARS 2009 – 2011

Përpara se të bëheshin të famshëm, Rita kishte një romancë me Bruno Marsin në moshën 18-vjeçare. “Ishte dashuri me shikim të parë. Ne u takuam në vitin 2009. Unë isha 18 vjeç dhe fillova në Roc Nation. Bruno ishte i panjohur atëherë.”– tha këngëtarja për lidhjen me Bruno Mars. Megjithatë, ndërsa kërkesat rreth karrierës së tyre muzikore u rritën, Rita tregoi se si çifti përfundimisht vendosën të ndaheshin. “Koha jonë së bashku ishte e mrekullueshme. Por sapo u bëmë të famshëm, puna na pengoi.”- tha Rita pas ndarjes me këngëtarin.

ROB KARDASHIAN 2012

Këngëtarja u takua me Rob Kardashian për dy muaj, në tetor të vitit 2012. Romanca e tyre e shkurtër mori fund për shkak të ‘orarit të ngjeshur të punës’ dhe stileve të tyre të ndryshme të jetesës. Fundi i romancës së tyre të shkurtër përkoi me një sërë postimesh të hidhura në rrjetet sociale nga Rob, i cili indirekt aludoi se këngëtarja e kishte tradhtuar atë shumë herë gjatë marrëdhënies së tyre.

CALVIN HARRIS 2013 – 2014

Calvin Harris dhe Rita u lidhën në pranverën e vitit 2013 dhe qëndruan bashkë për rreth një vit. DJ dhe Rita patën një marrëdhënie romantike dhe profesionale, duke bashkëpunuar në hitin numër një të Ritës, ‘I Will Never Let You Down’. Rita thuhet se ka mbetur mjaft e tronditur, pasi mësoi përmes Twitterit se lidhja e saj kishte përfunduar. DJ skocez njoftoi në Twitter se romanca një vjeçare e çiftit kishte përfunduar, por u pretendua se krijuesja e hitit “I Will Never Let You Down” nuk ishte në dijeni se i dashuri i saj do të jepte këtë deklaratë.

RICKY HIL 2014 – 2015

Rita Ora dhe djali i Tommy Hilfiger, Ricky Hil, konfirmuan lidhjen e tyre në gusht 2014 dhe i dhanë fund pas 14 muajsh.

A$AP ROCKY 2015

Rocky pati një lidhje me Ritën në vitin 2015. Reperi më vonë ndezi polemika kur përfshiu në këngët e tij deklarata për këngëtaren, kryesisht në këngën ‘Better Things’. ASAP – emri i vërtetë i të cilit është Rakim Mayers – më vonë pranoi se komentet e tij për Ritën ishin pavend.

TRAVIS BARKER 2015

Romanca e Travis Barker dhe Rita Orës zgjati vetëm një muaj. Lidhja e tyre nisi në vitin 2015 dhe thuhet se Travis i dha fund raportit të tyre për shkak se nuk donte të ishte në një ‘lidhje serioze’.

ANDREW WATT 2016 – 2017

Rita shijoi një romancë një vjeçare me kolegun e saj muzikant Andrew në vitin 2016, përpara se të ndahej. Ajo zbuloi statusin e saj gjatë një paraqitjeje në Jonathan Ross Show.

ANDREW GARFIELD 2018

Këngëtarja dhe aktori i Hollivudit patën një romancë katër mujore përpara se Andrew të kërkonte kohë për një ‘jetë më private’.

TAIKA WAITITI 2020

Çifti filloi nisën një romancë në mars të vitit 2021 pasi u takuan në 2020 në Australi, dhe u tha se po ecnin aq shpejt në marrëdhënien e tyre sa filluan të diskutonin martesën brenda disa muajsh, tha asokohe një burim për New Idea . Ata u martuan disa javë më parë në një ceremoni private dhe thuhet se shumë shpejt do organizojnë një dasmë të madhe.