Princ Leka dhe Elia Zaharia bëhen prindër për herë të parë. Mëngjesin e kësaj të enjteje, çifti mirëpritën fëmijën e tyre të parë, e cila është një vajzë që do të mbajë emrin Geraldinë.
Lajmin e konfirmoi zyrtarisht Familja Mbretërore dhe Princ Leka e shpërndau në profilin e tij zyrtar në rrjetet sociale.
Si nëna ashtu edhe bebi gëzojnë shëndet të plotë, thuhet në njoftim.
Njoftimi Zyrtar i shpërndarë nga Princ Leka:
Familja Mbretërore Shqiptare është e lumtur të bashkëndajë lajmin e lindjes së Lartësisë së Saj Mbretërore Princeshës Geraldinë që u erdhi në jetë Lartësive të Tyre Mbretërore Princit Leka të Shqiptarëve dhe Princeshës Elia, ditën e enjte, 22 tetor 2020, ora 09:30.
Princesha Elia lindi pa vështirësi në spitalin obstetrik-gjinekologjik “Mbretëresha Geraldinë” në Tiranë.
Si nëna ashtu edhe bebi gëzojnë shëndet të plotë, falë edhe kujdesit të lavdërueshëm të personelit mjeksor.
