FIFA ka publikuar këtë të premte himnin zyrtar të kampionatit botëror që pritet të nis më 20 nëntor.
Himni i titulluar “Tukoh Taka” është një bashkëpunim mids reperes Nicki Minaj, Malumas dhe këngëtares libaneze Myriam Fares.
Kënga është në tre gjuhë ku vihen re motive të shtuara të Lindjes së Mesme, si shkretëtirat dhe ritmet e muzikës arabe, në nder të organizatorëve të Katarit.
Përveç performancës së këngëtarëve, video-klipi shoqërohet me imazhe të ndeshjeve të ndryshme të futbollit nga kmpionatet e mëparshme botërore.
“Tukoh Taka” u prodhua nga Gordo, Play-N-Skillz dhe Massari. Ajo është kënga më e fundit e publikuar si pjesë e kolonës zanore përuruese të Kupës së Botës, e përcaktuar nga FIFA dhe si kolona zanore e këtij botërori.
Gjithashtu Maluma performoi këtë vit dhe në Tiranë, në një koncert që u mbajt për Ditën e Verës.
PANORAMASPORT.AL
NDIQE LIVE "PANORAMA TV" © Panoramaplus.al
