Tuna Sejdi dhe Patris Berisha u kthyen në kryefjalën e mediave së fundmi, pasi disa detaje të vogla kanë ngritur dyshimet se dyshja është ndarë.
Tuna ndryshoi mbiemrin e të birit, Tianit, në llogarinë që i ka hapur në Instagram, duke e kthyer nga Berisha në Sejdi.
Për më tepër, këngëtarja hoqi Patrisin edhe nga lista e personave që i vogli ndjek në Instagram, të cilët janë vetëm gjashtë.
Së fundmi reagoi edhe Patrisi, duke publikuar në Instagram një video, ku shfaqej bashkë me djalin duke u puthur e duke i shprehur dashurinë njëri-tjetrit.
Por, krahas saj, ai shkruante “Tian Patris Berisha”, duke i treguar të gjithëve se djali i tij do të mbajë gjithnjë këtë mbiemër, pavarësisht nëse është bashkë apo jo me nënën e tij, Tunën.
Pak ditë më parë “Prive” raportoi se Tuna është kthyer në vendlindjen e saj, në Shkup, ku po jeton bashkë me djalin në një apartament.
NDIQE LIVE "PANORAMA TV" © Panoramaplus.al