“Si banania” është hiti i e famshëm i viteve ’90, e cili dëgjohet edhe në ditët e sotme. Refreni i saj ka mbetur në mendjen e të gjithëve, por së fundmi këngëtari Dashnor Diko ka zbuluar se ku është frymëzuar për këtë këngë.
E teksa të gjithë mendonin se pas këngës mund të fshihej një histori flirti me ndonjë vajzë bionde, në fakt nuk është aspak ashtu.
I ftuar së fundmi në emisionin “3shat”, Diko ka rrëfyer një histori krejt tjetër. Ai u shpreh se tekstshkruesi i këngës, Alqi Boshnjaku, e ka shkruar këngën e famshme gjatë një udhëtimi.
Sipas Dashnorit, rrugës ai kishte me vete një qese me banane, nga të cilat u frymëzua për të bërë këngën “Banania”.
