Netflix po e bën “Squid Game” reale(pa gjak dhe varsje).Platforma e transmetimit ka miratuar një reality-show të quajtur “Squid Game: The Challenge”, e cila do të vendosë 456 garues kundër njëri-tjetrit në një seri lojërash të frymëzuara nga seriali hit. Në lojë është një shpërblim prej 4.56 milionë dollarësh për të cilin Netflix thotë se është çmimi më i madh në para në historinë e reality-show-ve.
Teksa askush nuk do të vritet në shfaqjen ‘Squid Game’, ai ngre disa pyetje të ndryshme. Shumë njerëz janë përqendruar në ironinë e mesazhit thelbësor të ‘Squid Game’ që është për kapitalizmin, lakminë dhe pabarazinë shoqërore dhe tani 456 njerëz do të konkurrojnë për 4.56 milionë dollarë në një version aktual të lojës nga shfaqja. Ja çfarë thotë Netflix:
“Loja e kallamarit e pushtoi botën me historinë magjepsëse dhe imazhet ikonike të regjisorit Hwang. Ne jemi mirënjohës për mbështetjen e tij teksa e kthejmë botën imagjinare në realitet në këtë konkurrencë masive dhe eksperiment social, “-tha Brandon Riegg, zëvendës president i Netflix. “Adhuruesit e serialit dramatik janë në një udhëtim magjepsës dhe të paparashikueshëm, ndërsa 456 konkurrentët tanë të botës reale lundrojnë në seritë më të mëdha të konkurrencës ndonjëherë, plot tensione dhe kthesa, me çmimin më të madh të parave në fund.”
Mirë, por kemi ende pyetje. Si do kthehen lojërat ekzistuese të serialit në versione interesante jo vdekjeprurëse për një reality? Ja lojërat që kemi parë në serial:
Raundi 1: Red Light, Green Light– Nuk mund ta imagjinojmë që Netflix të ketë aftësitë mekanike për të vlerësuar me saktësi se cilët nga 456 lojtarët po lëvizin pak dhe më pas t’i qëllojnë menjëherë me topa bojë ose diçka për t’i rrëzuar. Gjithashtu askush nuk do të ikë nga frika siç ndodhte në shfaqje.
Raundi 2: Dalgona/Ppopgi– Ky raund konsiston në prerjen e biskotave me forma të ndryshme, e cila është një lojë goxha ikonike në ‘Squid Game’ por duke marrë parasysh se konkurrentët nuk do kenë frikën se do të qëlloheni, nuk jemi të sigurt se kjo do të jetë jashtëzakonisht bindëse në TV.
Raundi 3: Tug Of War– Pra, tërheqjeme litar ku thjesht … bie në një gropë me shkumëdeti nëse humbet, ndoshta? Pjesa interesante këtu do të ishte strategjia për të marrë njerëz të fortë në ekipin tuaj. Por në thelb mbetet tërheqje me litar. Jo aq emocionuese.
Raundi 4: Marbles – Ndërsa ky ishte lehtësisht një nga episodet më të mira të të gjithë serialit dhe loja më bindëse, përsëri, është diçka që nuk mund ta imagjinojmë se do të përkthehej në një serial televiziv aktual. Nuk duket se një lojë si kjo do të bënte namin.
Raundi 5: Glass Tiles – Ndoshta nuk do të ishte thyerja e xhamit, por ndoshta platformat e mashtrimit apo diçka tjetër. Por përsëri, ju thjesht bini në tokë, dhe pjesa kryesore e arsyes pse kjo lojë funksionoi në shfaqje është se ata nuk e dinin se çfarë po bënin kur filluan. Kjo nuk do të ishte aspak e drejtë në një shfaqje të vërtetë konkurrence.
Raundi Final: Squid Game– A do të shohim vërtet dy finalistë duke luajtur lojën e mirëfilltë të ‘Squid Game’ për gjënë e fundit?
Deri më tani, Netflix nuk ka treguar se çfarë lojërash do të realizojnë. Por a do të jetë më interesante apo argëtuese sesa Ninja Warrior apo MXC? ‘Squid Game’ u publikua nëntë muaj më parë. U deshën 12 vjet për t’u bërë. Një sezon i dytë pritet, por, meqenëse në thelb duhet të rindërtohet nga e para, ndoshta janë edhe dy vite të tjera. Dhe duke pasur parasysh se si përfundoi sezoni i fundit, çdo episod i ri ka të ngjarë të jetë rrënjësisht i ndryshëm nga çdo gjë që kemi parë tashmë.
Netflix ka deklaruar tashmë se “fati më i keq është të shkosh në shtëpi duarbosh”, gjë që heq pothuajse çdo rrezik të vetëm. Skenari më i keq për vetë Netflix është që ‘Squid Game: The Challenge’ thjesht të bëhet një tjetër program me lojëra. Nëse një serial dramatike si Squid Game mund të shndërrohet në një shfaqje lojërash, atëherë ndoshta shfaqjet e lojërave të Netflix mund të bëhen seri dramatike prestigjioze me skenar.
NDIQE LIVE "PANORAMA TV" © Panoramaplus.al