Këngëtarja e famshme me origjinë shqiptare, Dua Lipa, ka vizituar Libanin, ku qëndroi 3 ditë dhe u njoh nga afër me vështirësitë me të cilat përballen familjet refugjate në kampet e strehimit.
Ishte vetë këngëtarja ajo që bëri të ditur këtë lajm, nëpërmjet disa postimeve në profilin e saj në “Instagram”. Ajo publikoi disa foto e video nga Libani, e bashkëngjitur me to shkruante se “kjo përvojë bëri që t’i hapeshin sytë për situatën aktuale që po kalojnë refugjatët”.
Por mesa duket një komentues shqiptar nuk e ka pritur aspak mirë këtë vendim të këngëtares së njohur.
“Ndihmo njerëzit e tu Dua, shumë refugjatë në Kosovë vuajnë, se janë pa shtëpi, pa bukë. Sërish ti shkon në Lindjen e Mese për të ndihmuar arabët, por harron njerëzit e tu”, ishte komenti i një prej ndjekësve të saj në “Twitter”.
Dua e ka lexuar komentin dhe ka vendosur që ta sqaronte situatën. “Kam hapur një fondacion në Kosovë për të bërë pikërisht këtë gjë që nga 2016-ta. Quhet ‘Sunny Hill Foundation’. Mund të kontrollosh të gjithë punën që është bërë deri tani përmes website-it”, i përgjigjet Lipa.
Ndërkohë kujtojmë se Dua ishte në Libani së bashku me UNICEF në kuadër të një misioni për bamirësi.
NDIQE LIVE "PANORAMA TV" © Panoramaplus.al