Modelja Heidi Lushtaku ka thyer heshtjen për ndarjen nga boksieri, Robin Haxhi Krasniqi.
Pavarësisht lajmeve të shumta për ndarjen e tyre asnjëri prej të dyve nuk kanë zgjedhur të komentojnë, kjo deri sot.
Përmes një statusi në Instagram, Heidi konfirmoi ndarjen nga boksieri, ndërsa tha se nuk ishte e lehtë, porse ata të dy edhe pas kësaj vazhdojnë më mbesin miq.
Postimi i plotë:
Përshëndetje të gjithë përkrahësve dhe kureshtarëve. Pavarësisht që ka bërë jehonë ndarja ime me Robinin, asnjëherë s’kam dashur të flas publikisht, madje për hir të kësaj i kam evituar edhe intervistat, por, ngase është e pamundur t’i rezistojmë kureshtjes së mediave dhe fansave, nga ky çast deklaroj që statusi emocional i lidhjes sonë ka ndryshuar dhe tani jemi të pozicionuar krashi njëri-tjetrit si miq të denjë.
Ndarjet janë të vështira dhe aspak të këndshme sidomos pas një periudhe afërsisht katër vjeçare, të cilën e kemi të mbushur me përjetime të këndshme dhe të hareshme, por nga pamundësia që ta ruajmë këtë harmoni, ekuilibër dhe përkushtim ndaj njëri-tjetrit në vijim, ne kemi vendosur para shtatë muajsh t’i japim fund fejesës sonë. Kur e shfletoj këtë eksperiencë jetësore më rrezaton përplotë emocione dhe ndjenja të natyrshme të dyvshme, prandaj dua të arkivoj kujetën time si një përjetim dhe mësim të vyeshëm që na dhuroi jeta, dhe asnjëherë si një kohë që duhet ta gjykoj me pendesë.
Prandaj unë vazhdoj ta çmoj si një mik Robinit, e sidomos familjen e tij, e në veçanti nënën e tij, e cila më trajtoi sikurse vajzën e vet, dhe si e tillë duhet të shërbejë si model pozitiv për të gjitha vjehrrat shqiptare. Këtë shkrim dëshiroj ta përfundoj duke i uruar përzemërsisht Robinit shumë sukses në pasionin e tij dhe realizim të të gjitha synimeve jetësore! Me dashuri, Heidi
NDIQE LIVE "PANORAMA TV" © Panoramaplus.al