Anxhela Peristeri është një nga këngëtaret më të dashura për publikun, por kur vjen puna tek jeta private, këtë pjesë ajo mundohet ta ruajë sa më hermetikisht dhe deklaron gjithnjë se është single.
Nisur nga kjo, Ermal Mamaqi pyeti Anxhelën si duhet të jetë bashkëshorti i saj i ardhshëm, çfarë karakteristikash duhet të ketë dhe këto këngëtarja duket se i gjen tek vetë moderatori.
“Tani Ermal ti e di që ne njihemi që të vegjël bashkë dhe do doja shumë që mashkulli për mua të kishte karakteristikat e tua sepse ti je bashkëshorti ideal për çdo femër”, u shpreh Anxhela ndërsa Ermali uli kokën i vënë në siklet.
