Në këto ditë të vështira që po kalon vendi ynë, ka patur mbështetje dhe ndihma jo vetëm nga shqiptarët, por edhe nga të huajt. Ata kanë ofruar ndihën e tyre dhe janë solidarizuar me Shqipërinë e prekur nga tërmeti i fuqishëm.
Kështu, mediat italiane kanë raportuar se Kupola e San Gaudenzio do të ndriçohet me ngjyrat kuq e zi të flamurit shqiptar për 3 ditë rresht. Ky është një gjest solidariteti i qytetit të Novarës pas tërmetit shkatërrues të 26 Nëntorit.
“Një gjest simbolik i administratës për të shprehur solidaritetin maksimal në lidhje me atë që po përjeton Shqipëria. Këto ditë takova presidentin e Urës, shoqata e kryesuar nga shqiptarët që jetojnë në Itali dhe në Novara në veçanti. Ne folëm për atë që ndodhi në vendin tuaj: Novara shpreh solidaritetin e saj duke ndriçuar Kupën, simbolin e qytetit, me ngjyrat e Shqipërisë”, tha kryebashkiaku Alessandro Canelli.
NDIQE LIVE "PANORAMA TV" © Panoramaplus.al