Aktori i njohur Brad Pitt thuhet se ka lënë fqinjin e tij 105-vjeçar të jetojë pa qira në pronën e tij të mëparshme me vlerë 39 milionë dollarësh në LA për vite me radhë.
Yll i i “Elvira”, Cassandra Peterson, e cila kishte qenë fqinje me Pitt pasi i shiti shtëpinë e saj në vitin 1994, shpjegoi në një intervistë të fundit me People se Pitt kishte blerë prona përreth, njëra prej të cilave i përkiste një burri rreth të nëntëdhjetave.
Pitt e lejoi të moshuarin, të quajtur John , të jetonte në shtëpi pa paguar asnjë qira derisa ai vdiq.
“Ishte disi qesharake sepse John jetoi deri në 105 vjeç. Unë mendoj se Brad po mendonte për mirë, e dini, ai mund të jetojë atje derisa të vdesë, që mund të jetë çdo minutë tani,” tha Peterson me shaka.
Peterson e përshkroi Pitt si “të sjellshëm dhe të ëmbël” me të gjatë gjithë viteve të tyre si fqinj.
Muajin e kaluar, Pitt e shiti kompleksin e tij për 39 milionë dollarë pasi e zotëroi dhe rimodeloi atë për gati tre dekada. Prona fillimisht ishte nxjerrë në shitje për 45 milionë dollarë në janar, por çmimi ra për arsye që mbeten të paqarta. Pitt jetoi në atë shtëpi me ish-gruan e tij Angelina Jolie dhe gjashtë fëmijët e tyre para ndarjes së tyre në vitin 2016, por ai gjithashtu jetoi atje vetëm për shumë vite.
