Me rastin e festës së Halloween-it, supermodelja Gigi Hadid ka publikuar për herë të parë një foto familjare, krah partnerit, Zayn Malik, dhe vajzës së tyre.
Këngëtari shfaqet duke e mbajtur të voglën në krahë, ndërkohë që të dy janë duke buzëqeshur dhe duke e parë me admirim vogëlushen, raporton “Mirror”.
“Halloween-i im i parë”, ka shkruar Gigi përkrah fotos me një sticker.
Edhe këtë herë, dyshja nuk e ka zbuluar portretin e vajzës, ashtu siç edhe emrin e kanë mbajtur “sekret”.
Zayn dhe Gigi u bënë prindër për herë të parë në muajin shtator dhe lajmin e bukur e dha vetë këngëtari, nëpërmjet një postimi në Twitter.
Dyshja ka vendosur që vajza e tyre të rritet në fermën e familjes, aty ku dhe erdhi në jetë.
