Bojken Lako ka qenë në qendër të vëmendjes këtë javë, pasi u shfaq në krah të ishbashkëshortes së tij, Semi Jaupaj. Por duket se mes të dyve ka mbetur vetëm një miqësi e fortë dhe nuk kemi të bëjmë me një ribashkim.
Paparaci ynë e ka fotografuar artistin këto ditë, teksa ecte në rrugët e Tiranës. I njohur për stilin e tij avangardë, kantautori shihet me flokët biondë dhe i veshur me një pallto të gjatë, duke i shkuar për shtat stilit të tij. Që pas ndarjes nga Semi, 47-vjeçari është shfaqur gjithnjë i vetëm.
Pas ndarjes, këngëtarja Semi Jaupaj dhe Bojken Lako kanë ruajtur një marrëdhënie të mirë me njëri-tjetrin dhe këtë e ka pohuar vetë artistja në shtëpinë e “Big Brother VIP”. Që pas ndarjes nga artisti, Semi nuk ka bërë asnjëherë asnjë postim në rrjetet sociale krah tij, megjithatë këngëtarja shpesh ka shprehur edhe kur ishte në “Big Brother” se ajo dhe Bojken Lako ruajnë një marrëdhënie të mirë shoqërore.
Këtë gjë e ka konfirmuar përsëri vetë Semi, e cila ka postuar në “Instastory” një video, ku shihet se është nën shoqërinë e ish-partnerit të saj, Bojken Lakos. “Shoku im më i mirë i jetës”, shkruan Semi krahas videos.
Romanca mes ish-çiftit nisi në vitin 2011, vetëm tre muaj pas ndarjes së kantautorit nga ish-bashkëshortja e tij, Olesia. Kur nisën të dilnin bashkë, Semi ishte vetëm 19 vjeçe, ndërsa Bojkeni 36 vjeç. T
ë dy ishin të apasionuar pas rokut dhe kanë punuar bashkë për një periudhë të caktuar kohore kur Semi ishte vokalistja e grupit “Bojken Lako dhe Brezat”. Ndërkohë, gjatë bisedave me banorët në shtëpi, Semi ka zbuluar se pyetja më e shpeshtë që i bëhet nga njerëzit është nëse ka ndonjë shans që të rikthehet me Bojkenin.
“Kur më pyesin: ‘A ka ndonjë shans që të pajtohesh prapë me Bojkenin?’. U thosha ‘jo’, se nga vetë koha që kam kaluar, janë shumë vite. Nuk është se ndenja një vit dhe pastaj të thosha ‘Prit se nuk i dihet’… Unë kam ndenjur 8 vite me atë. Gjëja që më ka pëlqyer më shumë te Bojkeni është që ka dashur të më lërë shumë të lirë dhe ngaqë e ka ditur se kam dashur që të merrem me muzikën dhe të kisha gjëra të tjera primare… Ngaqë e ka ditur këtë gjë, s’ma ka bërë kurrë këtë kërkesë (që të bënin fëmijë)”.
