Kanë kaluar më shumë se dy vite nga buja që bëri deklarata e ish-Missit shqiptar, Egla Harxhi, lidhur me statusin e saj për një lidhje treshe. Mirëpo, tashmë gjithçka ka ndryshuar. Mediat kanë shkruar vazhdimisht për lidhjen treshe që modelja kishte së bashku me partnerin francez, fotografin e njohur Jarl de Basserville dhe modelen Alessia.
Por, pavarësisht bujës dhe zhurmës së madhe që ajo bëri në median rozë dhe në mbarë opinionin shqiptar, duke qenë se nuk është mësuar me statuse të tilla, kjo lidhje treshe nuk zgjati shumë. Vetëm pas dy vitesh erdhi në jetë fryti i dashurisë së modeles shqiptare me francezin Jarl.
Në momentin kur Egla ngeli shtatzënë, Alessia shfaqi kriza xhelozie, por me kalimin e kohës Egla e qetësoi duke i thënë se ajo është pjesë e familjes dhe se fëmijën do e rrisnin bashkë. Në fillim dukej sikur Alessia u qetësua, por sa më shumë kalonin muajt, aq më shumë shtohej xhelozia. Alessia u përpoq disa herë ta ndante çiftin”, thoshte burimi për “Gazeta Shqiptare”, duke krijuar probleme midis tyre, por pa rezultat sepse mbas gjithë dashurisë që u dha dhe dëshirës së madhe për ta ndihmuar që Alessia të zhvillohej në një ambient pozitiv, mosmirënjohja e Alessias arriti kulmin duke i kërkuar Ales që të lërë Eglën dhe fëmijën për të. Kjo bëri që Egla dhe Ale të vendosnin ta largonin përfundimisht nga jeta e tyre. Por mos ndoshta ajo tashmë ia ka arritur qëllimit?
“Panorama Plus” ju sjell disa foto, ku Alessia shihet pranë Ales në një aktivitet të organizuar në Tiranë, 10- vjetori i një lokali ku këndonin live Redon Makashi, Elton Deda dhe Aleksandër Gjoka. Nuk dihet nëse kjo mund të quhet tradhti e Alles kundrejt Eglës, apo nëse marrëdhënia e tyre treshe është kthyer si më parë dhe ajo e lë Allen në duart e sigurta të Alessias. Le të shohim se si do t’i argumentojnë këto foto në vazhdim.
EGLA HARXHI NUK DO T’IA DIJË, PLAZH NË VJESHTË KU TREGON LINJAT PAS LINDJES
Si ka vijuar ndërkohë jeta e Eglës dhe Alexandrit? Në Shqipëri u rikthye së fundi, pasi thotë se në kryeqytetin francez, Paris, bëri jetë të ngjashme si në filmin “Mesnatë në Paris” të Woody Allen.
Ish-Miss Albania, Egla Harxhi, thotë se në Paris arriti të takonte e të shoqërohej me personazhe që i kishte lexuar në libra e parë vetëm në filma. Protagonistin kryesor të asaj tabloje mes milionerësh e ka me vete, partnerin Alexandre de Basseville, fotografin me famë botërore, nga lidhja me të cilin erdhi në jetë Luxifer.
Por këtë periudhë Eglës i duhet të jetojë dhe punojë larg djalit, pasi është vendosur në Kalabri për një projekt. “Jam vendosur në Kalabri për të punuar rreth një projekti, që lidhet me agroturizmin dhe ekologjinë. Është një super vend këtu dhe pranova të vij, pasi shoku im i ngushtë arkitekt që punon në Francë, Boris Cindric, më bëri ftesë.
Këtu jam pa djalin, jam vetëm për të punuar dhe po bëj disa pushime të vonuara”, tregoi ajo për “Panorama Plus. Në fotot me bikini të shkrepura në Taormina, Egla ka marrë komplimente për linjat e tonifikuara dhe trupin super në formë pas lindjes. Kujtojmë që pak kohë më parë, ajo zbuloi në media planin për ta shndërruar Libofshën në një Ibiza, detajet e projektit dhe miqtë miliarderë që do i ndihmojnë me para.
Për jetën në Paris dhe kthimin në Tiranë tashmë si nënë, Egla foli për “Panorama Plus” edhe për njohjen e parë me partnerin e saj, një personazh kontrovers. Pyetjes si ka ndikuar partneri yt, të ka ndihmuar apo ta ka bërë më të vështirë, ajo i është përgjigjur: “Alexander më ka ndihmuar shumë në këtë aspekt duke më transmetuar njohuritë e referencat e tij, me dëshirën e madhe për të më dhënë mjetet që të zhvillohesha më tej në kërkimin tim.
Momenti kur çdo gjë ndryshoi dhe rrjedha e ngjarjeve mori rrugën e saj, ishte kur Alexander më pyeti në takimin e parë se nga vija. Në mendje, e lodhur nga paragjykimi i fshehtë dhe i ftohtë i perëndimorëve kur thua se vjen nga Shqipëria, i thashë nga Shqipëria me vendosmëri, për të ngjarë sa me bindëse (qesh).
Dhe reagimi direkt ishte: ‘So you are from Illyria, you are from the country of Mother Theresa of Skanderbeg? (Kështu ti je nga Iliria, nga vendi i Nënë Terezës dhe Skënderbeut?’ Në atë moment thashë me vete: ‘Ky është një njeri i çuditshëm!’ Njohuria që ai kishte për Shqipërinë tejkalonte dhe atë që unë dija për vendin tim”. Ndër të tjera ajo është shprehur se ata jetojnë shpesh larg për shkak të angazhimeve që kanë, por kjo nuk e cenon marrëdhënien e tyre. Për Eglën, Alexander nuk është një burrë i thjeshtë për t’u menaxhuar, pasi është rritur me rregulla strikte, por ajo ia ka dalë.
Sa për formën fizike, tregon se nuk ka bërë asgjë për ta arritur këtë formë pas lindjes, thjesht është me fat që ka gjenet e mira prej Miss-i gjithë jetën. “Sa për faktin që lashë jetën në Paris, njerëzit mendojnë se vendimin e mora brenda ditës dhe projekti, studimi, analiza e situatës janë bërë me të kërciturat e gishtave, por jeta nuk është e tillë asnjëherë. Çdo gjë në fakt kërkon kohën e saj, mundin dhe lodhjen. Por kur e bën diçka se e beson, motorët e energjisë ndizen dhe nuk të lënë të flesh më as natën”, tha ish-Miss Albania për “Panorama Plus.”
/PANOAMAPLUS.AL
NDIQE LIVE "PANORAMA TV" © Panoramaplus.al