Ish-modelja e “Victoria’s Secret”, Jasmine Tookes, ka kurorëzuar në martesë dashurinë e saj me themeluesin e “Snapchat”, Juan David Borrero, në një ceremoni të veçantë në një kopsht magjik në Ekuador.
Tookes veshi një fustan nusërie që i la të gjithë pa fjalë. Fustani mban emrin Zuhair Murad, por është një model i frymëzuar nga fustani i nusërisë së Grace Kelly, 65 vjet më parë, kur u martua me Princin e Monakos, Rainier III.
“Ende nuk mund ta besoj që po jetoj një përrallë të jetës së vërtetë me Juan David Borrero”,- shkroi Tookes në një kolazh fotosh në Instagram nga ceremonia madhështore: “Jam zyrtarisht zonja Borrero.”
Sapo e panë foton, fansat dhe miqtë virtualë e kuptuan menjëherë që fustani i ngjante modelit të hershëm të Grace Kelly.
Fustani i Tookes kishte një vello të gjatë 15 metra, të mbushur me rruaza, dantella dhe qëndisje. Supermodelja e plotësoi pamjen me një palë vathë diamanti nga “Ritani” dhe taka të bardha të personalizuara nga “Sarah Flint”.
