Dua Lipa dhe Anwar Hadid janë kthyer tashmë në personazhet më të komentuar të momentit në shpwbiz-in botëror, pasi prej disa javësh po shijojnë romancën e tyre.
Menjëherë pas ndarjes me Isaac Carew, këngëtarja me famë botërore u pa në shoqërinë e modelit 20-vjeçar. Në fotografitë që u publikuan nga mediat e huaja, ata shfaqeshin në momente intime teksa shkëmbenin puthje në buzë.
E teksa shumë prej fansave të Duas nuk janë dakord për këtë lidhje, pasi shprehen se këngëtarja shkonte më shumë si çift me Isaac, duket se ajo tashmë e ka marrë vendimin përfundimtar.
Por si u njohën Dua dhe Anwar? Çfarë i bëri ata bashkë?
Duke cituar burime, TMZ shkruan se ajo që i afroi bashkë këngëtaren dhe modelin është muzika.
Më herët, Anwar Hadid kishte deklaruar se ishte fans i Dua-s dhe një gjë të tillë e kishte bërë edhe këngëtarja, pasi Anwar bën muzikën e tij.
E mesa duket modeli nisi që të marrë situatën në dorë në qershor të këtij viti, kur dëgjoi lajmet se Dua dhe Isaac nuk ishin më bashkë. TMZ shkruan se ai e bindi këngëtaren për një takim dhe kështu nisën edhe gjërat mes tyre.
Dua dhe Anwar u fotografuan së bashku për herë të parë gjatë një festivali, dhe më pas janë kapur gjithmonë në shoqërinë e njëri-tjetrit.
