Bateristi i grupit të njohur muzikor “AC/DC”, Colin Burgess ka vdekur në moshën 77-vjeçare.
Lajmin e trishtë e bënë të ditur anëtarët e grupit përmes një postimi në rrjetet sociale, ndërsa zbuluan shkakun e vdekjes së artistit.
“Jemi të pikëlluar kur mësuam për vdekjen e Colin Burgess. Ai ishte bateristi ynë i parë dhe një muzikant shumë i respektuar. Kujtime të lumtura, rroku në paqe Colin”– thanë ata.
Colin iu bashkua grupit në vitin 1973, por u përjashtua një vit më vonë sepse ishte i dehur në skenë. Më vonë ai pretendoi se dikush i kishte ngatërruar pijen e tij.
Anëtarët e grupit ishin vokalisti Dave Evans, basisti Larry Van Kriedt, bateristi Colin, kitaristi kryesor Angus Young dhe kitaristi Malcolm Young.
Kënga e tyre më e madhe në mbarë botën ishte ‘Highway to Hell’, e cila arriti kulmin në numrin 17 në SHBA dhe numrin 8 në MB.
Albume të tjera hit përfshijnë ‘Back in Black’ dhe ‘For They About to Rock We Salute You’.
AC/DC kanë shitur më shumë se 200 milionë disqe në mbarë botën dhe kanë krijuar një reputacion si një nga grupet rock më me ndikim të të gjitha kohërave.
NDIQE LIVE "PANORAMA TV" © Panoramaplus.al