Të gjithë e kemi përjetuar në ndonjë fazë të jetës sonë dhimbjen e të humburit një person të cilin/cilën e kemi dashuruar. Heqja dorë nga dikush që e dashuroni është një prej gjërave më të vështira botë. Fatkeqësisht, ndonjëherë është e domosdoshme.
Meqenëse dhimbja që përjetoni nga heqja dorë nga personi që dashuroni mund t’ju bëjë të ndaloni aty ku jeni, ju duhet të ndërmerrni masa për të ecur tutje me jetën tuaj dhe për ta gjetur lumturinë diku tjetër. Ndonjëherë, ju e dini se çfarë ka ndodhur. Ndonjëherë, ju ndiheni sikur gjërat ngadalë ju kanë rrëshqitur nga duart dhe nuk mund ta identifikoni një shkaktar. Por, cilido qoftë rasti, më mirë është të vendosni se është koha të hiqni dorë dhe të ecni përpara. Si ta bëni këtë?
- Shkëputni kontaktin
Para se të bëni ndonjë gjë, fillimisht duhet ta ndërprisni krejtësisht kontaktin me atë person. Asnjëherë nuk do të mund të shëroheni nëse e mbani afër personin që ju ka lënduar. Fshijani numrin e telefonit, fshijeni nga rrjetet sociale, fshini fotografitë dhe çdo gjë tjetër.
- Mos i injoroni ndjenjat
Ndjejeni dhimbjen dhe mos ikni nga ajo. Lëreni veten thjesht ta ndjej atë çfarë po përjetoni, edhe nëse nuk ndiheni rehat.
- Mos fantazoni
Hapi tjetër është t’i ndalni fantazitë. Sapo të filloni të përjetoni procesin gradual të shërimit të brendshëm dhe të reflektoni për kujtimet e së kaluarës, ju do të motivoheni të fantazoni se ndoshta personi do të ndryshojë. Ndoshta gjërat do të funksionojnë kësaj radhe. Por, gjërat nuk do të funksionojnë – dhe nuk do të ndryshojnë!
- Kuptojeni procesin e pikëllimit
Sikurse vdekja e një familjari, përfundimi i një lidhje është humbje dhe me humbjen vjen pikëllimi. Mohimi, izolimi, zemërimi, depresioni dhe pranimi janë të gjitha faza normale të procesit.
- Merreni gjithë kohën që ju nevojitet
Sikurse pikëllimi, edhe shërimi është proces. Jepni kohë që ta bëjë të veten.
- Pyeteni veten se çfarë po kërkoni në lidhje
Ndalni imagjinatën se si duhet të jetë lidhja juaj ideale. Vlerësoni se çfarë ka ndodhur gabim në lidhjen e kaluar, çfarë ka funksionuar dhe si duhet të jetë lidhja e ardhshme.
- Bëhuni mirënjohës
Fillojeni ditën duke qenë mirënjohës. Rikujtojani vetes çdo ditë të gjitha gjërat e mira që janë duke ju ndodhur në jetë.
- Duajeni veten
Në vend që ta kritikoni veten, praktikoni dashurinë për veten.
- Dilni dhe jetoni
Punoni, ndiqni pasionin, takoni njerëz të rinj apo shkoni në një aventurë. Çfarëdo që të jetë, filloni duke krijuar eksperienca të reja, kujtime dhe lidhje për t’i zëvendësuar kujtimet e vjetra.
Burimi / telegrafi.com
NDIQE LIVE "PANORAMA TV" © Panoramaplus.al