Akuzohet nga tre burra për sulm seksual, aktori i njohur i bindur për pafajsinë e tij: Kur të përfundoj gjyqi do i rikthehem aktrimit

Prej disa kohësh tashmë, aktori i njohur Kevin Spacey është akuzuar për sulm seksual. E teksa ndodhet në Mbretërinë e Bashkuar, gjyqi i tij vazhdon ende.

Gjatë interviste të dhënë së fundmi, Kevin ka thënë se pret të punojë pothuajse menjëherë nëse shpallet i pafajshëm dhe se këto akuza nuk kanë rëndësi, pasi puna e tij do të mbetet e pashlyeshme.

Gjyqi i tij do të fillojë më 28 qershor në Londër, në të cilin Spacey akuzohet për sulm seksual nga tre burra të ndryshëm. Në intervistë, Spacey la të kuptohet se ka plane t’i rikthehet sërish kinematografiksë në varësi të rezultatit të gjyqit.

“Unë e di se ka njerëz që tani janë gati të më punësojnë në momentin që unë të çlirohem nga këto akuza në Londër”, tha ai, duke shtuar: “Në momentin që ndodh, ata janë gati të ecin përpara”.

63-vjeçari u akuzua qershorin e kaluar për katër akuza për sulm seksual ndaj tre burrave, duke përfshirë shkaktimin e një personi për t’u përfshirë në aktivitet seksual pa dëshirën e tij. Aktori akuzohet për sulm seksual kundër një burri në mars të vitit 2005 në Londër, me një viktimë të dytë të supozuar në gusht të 2008 dhe akuzën e fundit që përfshin një viktimë të tretë në një incident në prill të 2013 në Gloucestershire, sipas Zyrës së Prokurorit Publik të Londrës.

Duke iu përgjigjur akuzave, Spacey tha në një deklaratë se: “Ndërsa jam i zhgënjyer me vendimin e tyre për të vazhduar, do të paraqitem vullnetarisht në Angli sa më shpejt të jetë e mundur dhe do të mbrohem kundër këtyre akuzave, të cilat jam i sigurt se do të provojnë pafajësinë time”.

 “Është një kohë kur shumë njerëz kanë shumë frikë se nëse më mbështesin mua, ato do të zhbëhen”, shpjegoi Spacey për ZEITmagazin se si akuzat kanë ndikuar në karrierën e tij.

“Në momentin që zbatohet shqyrtimi, këto gjëra shemben”, argumentoi ai.“Kjo është ajo që ndodhi në gjyqin e Rapp dhe kjo është ajo që do të ndodhë në këtë rast”.  

Edhe pse aktori i njohur nuk e parashikon që do të arrijë të pastrojë reputacionin e tij në media, ai duket se beson se skandali nuk do të ndikojë në trashëgiminë e tij, siç theksoi gjatë intervistës së tij: “Pas 10 vitesh nuk do të thotë asgjë. Puna ime do të jetë më e gjatë se unë, dhe kjo është ajo që ata do ta mbajnë mend”.