Hillary Swank njoftoi në “Good Morning America” se po përgatitet për rolin më të madh të karrierës së saj: Një mami!
Fituesja e dyfishtë e çmimit Oscar zbuloi në fund të intervistës së saj për “GMA” se ajo dhe bashkëshorti Philip Schneider së shpejti do të bëhen prindër të binjakëve.
“Unë do të bëhem nënë – jo një, por e dy binjakëve,” tha 48 vjeçrja. “Nuk mund ta besoj.”
“Është shumë bukur të jesh në gjendje të flasësh për të dhe ta ndajmë këtë gjë”, vazhdoi aktorja e “Million Dollar Baby”.
Ndërsa Sëank pret ardhjen e dy të vegjëlve të saj me Schneider, me të cilin u martua në vitin 2018, ajo po përgatitet për rikthimin e saj në rrjetin televiziv me “Alaska Daily” të ABC.
Shfaqja, premierë të enjten, vjen nga Tom Mçarthy, skenaristi fitues i Oskarit që qëndron pas filmit më të mirë të vitit 2015, “Spotlight”.
Swank tha se ajo dhe Mçarthy patën një takim dhe ai i dërgoi asaj një artikull të vitit 2019 të quajtur “Laëless” nga Kyle Hopkins i Anchorage Daily Neës që ishte “për krimet e vërteta në Alaskë”.
“Ishte tmerruese – të gjitha gjërat menjëherë, gjëra që nuk mund t’i besoni se po ndodhin,” tha aktorja. “Dua të hedh dritë mbi këto çështje, veçanërisht gratë indigjene të zhdukura dhe të vrara, për të cilat, askush nuk po bën asgjë.”
“Është një përgjegjësi shtesë, e dini, të bësh drejtësi për të pafuqishmit”- shtoi ajo. “Është diçka për të cilën jam i apasionuar”.
Sëank luan personazhin Eileen në “Alaska Daily”, një gazetare e Nju Jorkut që zhvendoset në Alaska për të punuar për një gazetë të përditshme në Anchorage. Eileen po kërkon një fillim të pastër, si personalisht ashtu edhe profesionalisht.
Aktorja tha se megjithëse nuk është një shkrimtare si Eileen, ajo lidhet me të sepse synimi i saj si reportere investigative është të kërkojë të vërtetën.
“Si aktore, unë jam duke kërkuar për të vërtetën në personazhet e mi”, tha Swank.
NDIQE LIVE "PANORAMA TV" © Panoramaplus.al
