Elena Sofia Ricci është një ndër aktoret më të dashura të kinemasë dhe televizionit italian. Së fundmi ajo ka rrëfyer një ngjarje të pakëndshme nga e kaluara e saj.
Pas shumë vitesh, aktorja 57-vjeçare ka zbuluar se është përdhunuar kur ajo ishte vetëm 12 vjeçe.
“Tani që nëna ime nuk është më, unë mund të flas lirisht. Në moshën 12-vjeçare kanë abuzuar me mua. Nuk e kam thënë më parë këtë histori, pasi për fat të keq, nëna ime më dërgoi pa dijeninë time në duart e xhelatit tim, duke më dërguar për pushime me një mik të familjes”, ka rrëfyer Elena Sodia Ricci për “Libero”.
“Ai person u arrestua sepse unë nuk isha e vetmja viktimë e tij, të tjerë persona e kishin denoncuar”, ka shtuar 57-vjeçarja.
Aktorja ka qenë gjithmonë përkrah lëvizjes #metoo kundër abuzimit ndaj femrave në botën e spektaklit.
“Në rastin tim është pedofili, por një përdhunim mbetet përdhunim. Asnjë burrë nuk ka të drejtë që të përdorë forcën e tij për të abuzuar me një femër”, ka përfunduar aktorja e njohur italiane.
Panorama Plus
NDIQE LIVE "PANORAMA TV" © Panoramaplus.al