Pamje ‘apokaliptike’ vijnë nga New York, i cili është mbuluar nga tymi i zjarreve në Kanada që është shpërndarë në Amerikën e Veriut.
Për shkak të cilësisë së dobët të ajrit, autoritetet kanë lëshuar alarmin duke u kërkuar njerëzve që të mbajnë maska N95.
New York do të fillojë shpërndarjen e maskave falas të enjten.
“Kjo është një situatë e përkohshme. Kjo nuk është Covid”, tha guvernatorja e New York, Kathy Hochul në një konferencë shtypi ku deklaroi se do të shpërndajë një milion maska për banorët. “Kjo është një situatë e përkohshme. Kjo nuk është Covid”, tha ajo.
Ndërkohë në mediat sociale, njerëzit ndajnë foto të skenës “apokaliptike” dhe këshilla për të minimizuar rreziqet shëndetësore.
Kanada i ka kërkuar njerëzve që të mbajnë maskë nëse nuk janë në gjendje të qëndrojnë brenda.
Zyrtarët paralajmërojnë se situata pritet të vazhdojë edhe gjatë fundjavës.
Pjesa më e madhe e tymit vjen nga Quebec, ku janë 150 vatra zjarri aktive.
Më shumë se 15.000 banorë pritet ttë evakuohen, thanë zyrtarët. Nivelet e PM2.5 në New York arritën kulmin pasditen e së mërkurës, duke matur 303.3 mikrogramë për metër kub.
NDIQE LIVE "PANORAMA TV" © Panorama.al