Policia e Bashkiake ka marrë masat për të rritur sigurinë e nxënësve me nisjen e vitit të ri shkollor, ku në çdo shkollë të kryeqytetit kishte efektivë për të ndihmuar fëmijët e qytetarët që të kalonin të sigurtë në vijat e bardha në rrugë dhe pranë kryqëzimeve.
Trafiku në kryeqytet është paraqitur normal, ndërsa shumë qytetarë i janë përgjigjur thirrjes së Bashkisë së Tiranës për të lëvizur me biçiklete ose në këmbë, e që transportojnë mallra gjatë orarit të ndaluar.
Ndërkohë në pikat hyrëse dhe dalëse të qytetit, janë marrë masa për të ndaluar, apo ndëshkuar me masa administrative, automjetet që shkelin urdhrin për kufizimet e lëvizjes së automjeteve në oraret e ndaluara.
Bashkia e Tiranës ka njoftur se nga ora 07:00-09:00 për automjetet për transport të përzier (mallrash), si dhe atyre mbi 3.5 ton nga ora 07:00-20:00, u ndalohet të hyjnë në brendësi të unazës së mesme e të vogël të qytetit.
