Ish-futbollisti dhe kapiteni i Kombëtares Shqiptare të futbollit Ansi Agolli, ka kohë tashmë që i ka varur këpucët në gozhdë. Tani ish-mbrojtësi i krahut, po provon eksperienca të reja, dhe si shumë futbollist që përfundojnë karrierën e tyre në fushën e blertë, zgjedhin të bëhen trajner.
Ditën e sotme, Agolli është zyrtarizuar tek ekipi amerikan FC Uestçaster. Më saktë ai do të drejtojë akademinë e U-16, dhe drejtuesit shpresojnë që falë eksperiencës së Agollit, ky i fundit do të mund t’i çoj deri te fitimi i MLS.
Klubi amerikan e zyrtarizoi marrëveshjen nëpërmjet një postimi në “Instagram”:
“Ne jemi krenarë t’i urojmë mirëseardhjen Ansi Agollit, si trajner i ri i MLS. Ansi është lojtari shqiptar më i dekuruar, duke fituar 16 trofe dhe udhëhequr kombëtaren e tij si kapiten në finalet e Kampionatit Europian 2016. Ansi do të jetë trajneri i ekipit U-16 për sezonin 2024/2025 të ekipit tonë.”
SONI SALIHI-PANORAMASPORT.AL
NDIQE LIVE "PANORAMA TV" © Panorama.al
