Mbrëmja e kaluar ka qenë nata më e trishtë, më traumatizuese, dhimbja per te cilen nuk ka te pershkuar, per Evisa Prekën.
Gruaja 37-vjeçare, e vetmja e mbijetuar nga aksidenti tragjik ne Velipoje, ku humbi burrin dhe tre femijet, e kane transportuar ne spitalin e Durresit, pasi eshte bije durrsake.
Lajmin e kobshem asaj ia ka dhene babai, i cili me familjare te tjere i ka qendruar te koka, duke pritur qe ajo te permiresohet.
Gazetari i “Panorama” raporton se sapo ka marrë vesh lajmin e kobshëm Evisa Preka ka shpërthyer në lot e dëshpërim të thellë.
Menjëherë mjekët e spitalit të Durresit i janë gjendur pranë duke i dhënë një dozë ilaçesh të forta për bombardimin e trurit.
Kjo ka qenë e vetmja mundësi për t’i mbajtur parametrat jetësor Evisa Prekës pas këtij lajmi tragjik që ajo ka marrë. Evisa Preka tashmë ende ndodhet nën efektin e ilaçave dhe një kujdes të rreptë të mjekëve të spitalit të Durrësit.
Gjendja e saj shëndetësore është jashtë rrezikut për jetën ndërsa ka disa dëmtime në fytyrë dhe pjesë të tjerat të trupit por ajo që po monitorojnë mjekët është edhe rrahjet e zemrës dhe gjithçka tjetër në mënyrë që të mos pësojë të njëjtin fat si të katër të dashurit e saj.
Nga ana tjetër në familjen Preka vazhdon që dhimbja të jetë e madhe ndërsa dyert e mortit janë të hapura për gjithë ata që shkojnë për vizita ngushëlluese.
PANORAMA
© Panorama.al
