Deri tani duket se policia dhe prokuroria kanë arritur të vendosin në pranga vetëm personat që kryenin marrjen e përçimin e informacionit në lidhje me lëvizjen e parave që grabitnin.
Fatjon Xhyliu, ish-polic privat, i penduari i parë që zbuloi krejt grupin, sipas hetimeve dhe provave të mbledhura, ka qenë në rolin e informatorit.
Po ashtu, edhe ish-komandot Neim Avdulaj dhe Ditjon Memlika rezultojnë se kanë vëzhguar lëvizjen e mjeteve të ngarkuara me para. Të njëjtin rol ka pasur edhe Admir Çerpja.
Roli i shtetasit Ernest Kupa ka mbetur i paqartë, por misteri i çështjes është se në të dyja grabitjet kanë vepruar së paku 4-5 veta të armatosur. Për këtë arsye duket se “krahu i armatosur” i grupit ende nuk është kapur.
Tre persona mendohet se janë identifikuar dhe janë shpallur në kërkim, krahas Admir Muratajt, që u shpall në kërkim bashkë me pesë personat që tashmë janë arrestuar.
PANORAMA
NDIQE LIVE "PANORAMA TV" © Panorama.al
