Prej disa vitesh kemi konstatuar miqësitë e mirë që ministrja e Turizmit di të ndërtojë. Herë pas here, Mirela Kumbaro ka qenë pjesë e faqeve tona, duke na zbuluar më shumë nga miqësia që ka, shpesh edhe me gratë nga Partia Demokratike, apo forca të tjera politike në Parlament.
Herë me kolegë, e herë me rivalë, Kumbaro kur vjen puna për një bisedë të mirë, nuk bën ndasi. Këtë herë, pasi ka përfunduar seanca plenare dhe ka qenë duke u larguar nga ambientet e Parlamentit, ministrja është ndeshur me Dhurata Çupin, deputeten e Partisë Demokratike për qarkun e Dibrës.
Dy zonjat, jo vetëm që janë përshëndetur, por edhe kanë ndaluar hapat, për të vijuar bisedën e tyre më komode. Vetëm se ajo që na ra në sy ishte fakti se kjo bisedë bëhej në disa hapa distancë. Njëra duke ikur dhe tjetra duke ardhur, zonjat e politikës nuk kanë preferuar që të ndryshojnë drejtim.
NDIQE LIVE "PANORAMA TV" © Panorama.al