Javë pas jave kemi komentuar grupin zyrtar të Partisë Demokratike. Ndonëse të pakët në numër, demokratët kanë treguar se kanë marrëdhënie të mira me njëri-tjetrin.
Pamja që vjen nga Parlamenti, është e njëjtë. Basha është gjithnjë në krye të grupit të tij dhe të gjithë mbërrijnë së bashku në ambientet e Parlamentit.
Si një grup i unifikuar, deputetët, hyjnë e dalin së bashku nga seanca plenare, duke zgjedhur të kalojnë pak kohë me kolegët e tyre në ambientet e jashtme. Këtë herë, krejt ndryshe ka qenë pamja.
Duket se kryedemokrati nuk ka qenë prezent në seancë plenare. Këtë herë në krye ka qenë Arbi Agalliu dhe Enkelejd Alibeaj, ku pas tyre vinin edhe zonjat e PD zyrtare.
Por ajo që vumë re është fakti se kur Basha nuk është prezent, ky grup është edhe më i pakët në numër, ndryshe nga sa shfaqen kur kryetari i tyre është prezent për seancën plenare.
