Ky është 27-vjeçari shqiptar, Reols Hysneli, i cili u vra me plumb në kokë në banjat termale të Holsten Therme në Kaltenkirchen.
I riu nga Burreli mësohet se është pjesë e krimit të organizuar në Gjermani, raporton Bild.
Reols Hysneli dyshohet se u qëllua me plumb në kokë nga një adoleshent shqiptar në Kaltenkirchen.
17-vjeçari që dyshohet se kreu vrasjen ka heshtuar para hetuesve.
Adoleshenti u paraqit mesnatën e së premtes në stacionin e policisë në Pinneberg (Schleswig-Holstein), i shoqëruar nga avokati i tij dhe ka rrëfyer vrasjen.
I shoqëruar nga policia, 17-vjeçari ka shkuar në vendngjarje dhe ka treguar se ku ndodhej trupi i viktimës, por kur është pyetur për arsyet e vrasjes nuk është përgjigjur.
“Ai është një shqiptar 27-vjeçar, i cili sipas informacioneve të deritanishme nuk kishte adresë të përhershme banimi dhe ishte i njohur për policinë”, tha zëdhënësja e policisë Merle Neufeld.
Të martën në mëngjes, në vendin ku u gjet kufoma në “Holsten Therme”, njëqind policë filluan të krehnin pyllin ngjitur për të kërkuar armën e krimit.
Oficerët përdorën detektorë metali për të kërkuar armën e vrasjes të përdorur për të qëlluar 27-vjeçarin shqiptar.
Megjithatë, kërkimi ishte i vështirë në zonën pyjore, ku ngjitur ndodhen një kënetë, gurore zhavorri dhe një pishinë.
Ende është e paqartë se çfarë marrëdhënie kanë pasur 17-vjeçari dhe viktima. Sipas informacioneve të BILD, një nga pistat e hetuesve është një mosmarrëveshje për pazare droge.
NDIQE LIVE "PANORAMA TV" © Panorama.al
