Këngëtarja e njohur Selena Gomez, ka konfirmuar lidhjen e saj të dashurisë me producentin Benny Blanco.
Thashethemet për dashurinë e re të Gomez po qarkullojnë prej kohësh, megjithatë aludimet u shuan pasi ajo ndau një foto në rrjetet e saj sociale krah Blanco-s.
Fotoja tregonte këngëtaren 31-vjeçare duke mbështetur kokën në shpatullën e një burri, fytyra e të cilit nuk duket e plotë.
Postimi i këngëtares u bë viral në rrjetet sociale, pasi fansat nisën të shpërndanin postimin e këngëtares dhe të komentonin lidhjen e saj. Por, nuk mbaroi këtu, pasi vetë këngëtarja disa orë më vonë reagoi ndaj një postimi në mediat sociale ku thuhej, “Selena Gomez me sa duket konfirmon se është në një lidhje”, dhe ajo reagoi duke komentuar se “Ai është në zemrën time”, “Ai më ka trajtuar më mirë se çdo qenie njerëzore në këtë planet”.
Një tjetër detaj që duket se konfirmoj marrëdhënien e dyshes ishte edhe një tjetër postim që këngëtarja ka bërë në “Instastory’, ku ka ndarë një foto të unazës që mbante në gisht, me inicialin B, që me siguri i referohet Blanco-s.
Spekulimet për lidhjen e tyre filluan pasi fansat vunë re ndërveprimin e shpeshtë të Selenës dhe Blanco në mediat sociale, madje edhe nëna e Selenës, Mandy Teefey, tani ndjek Blanco në Instagram.
